الحرب العالمية الثالثة | حرب مصر وتركيا

الحرب العالميه التالته؟! حرب مصر وتركيا

لو مش فاهم موضوع الحرب بين مصر وتركيا لحد دلوقتي..عايزك تركز بقا معايا شويه ف المقال ده علشان هحاول افهمك الموضوع وخطورته الي محدش حاسس بيها..

فيه جزء اول من البوست ده بس كان بيتكلم عن حرب إيران وأمريكا او(الحرب العالميه الثالثه) اضغط هنا 
في المقال ده بقا هنتكلم عن (مصر وتركيا)

التاريخ..(الخميس) 2/1/2020
بنصحي علي خبر غريب ومرعب وهو..موافقه البرلمان التركي علي طلب اردوغان بدخول جيشه ليبيا..
والسبب الي انا شايفه مجرد سبب ظاهري مش اكتر وهو..مساعده حكومه الوفاق الوطني في طرابلس لأنها تتعرض لهجوم من قوات المشير (خليفه حفتر)..وبتقول ان حكومه الوفاق طلبت منها دعمها عسكريا ضد خليفه حفتر..ودي بقا كانت حجه تركيا الي بترد بيها علي الناس..علشان تدخل شمال أفريقيا براحتها..
حد هيجي يقولي طب هيا مين قوات خليفه حفتر دي ؟!
هقولك..قوات خليفه حفتر دي..القوات الي بتدعمها (مصر والامارات وروسيا وشويه دول كمان في الغرب)..يعني من الاخر الي هيجي علي سكه القوات دي يعتبر بيجي علي سكه مصر وبيبقا معادي لمصر..وده الي عملته تركيا..

ولاكن السبب الحقيقي بقا ايه هو ..؟
السبب هو ان تركيا عايزه تدخل تركيا بهدف التنقيب عن الغاز في شرق البحر المتوسط..يعني علي حدودنا يعتبر..يعني الموضوع طلع موضوع غزو..
ده غير ان تركيا بقالها فتره بتدخل الدول الي علي حدودها زي (سوريا والعراق) وبتقول انها بتحارب الاكراد والجهاديين..وبتقول انها بتحمي حدودها السوريه..
بس ليبيا المره دي مش علي حدودها دي بتبعد عنها بمسافه1500 كلم..

المهم مصر بقا كان ردها ايه..؟!
علي طول اجتمع رئيس مصر (عبدالفتاح السيسي) مع مجلس الامن القومي..وكان رد مصر ان ده..(انتهاكًا لمقررات الشرعية الدولية وقرارات مجلس الأمن)
وكمان اكدت مصر انها هتتدخل لو تركيا دخلت ليبيا وهيبقا فيه مواجهه..وده بسبب حمايه الحدود وللدفاع عن دوله عربيه وعلشان ترد علي تهديد تركيا وخطوره الموضوع علي منطقه البحر المتوسط..
وكمان قالت ان الموضوع ده فيه تهديد للأمن القومي المصري..والأمن القومي العربي بصفه خاصه..واكدت انها هتعمل كل الإجراءات الكفيله بالحفاظ علي المصالح العربيه..وهتقف ضد اي تهديد من تركيا..وكمان أكدت انها واقفه مع البرلمان الليبي..وأكدت لجنه البرلمان المصري..يوم الاحد..أن قرار البرلمان التركي..بإرسال قوات عسكريه لليبيا هو محاوله لغزو ليبيا بنوع جديد...
والموضوع ده مرعب..انتوا عارفين لو قامت حرب هيحصل ايه؟!
طب تعرفوا تركيا معاها مين ؟!
هقولك انا تركيا معاها (دول اوروبا وقطر وروسيا والصين)

طب مصر معاها مين ؟!
مصر معاها (السعوديه والامارت يعني دول الخليج العربي وأمريكا)
واعدائها (قطر وتركيا واثيوبيا وإسرائيل ده غير الجماعات الارهابيه)

المهم الكارثه دلوقتي ان تركيا أعلنت امبارح علي لسان رئيسها (اردوغان)..في مقابلة مع محطة «سي.إن.إن ترك» إن وحدات من الجيش التركي بدأت التحرك إلى ليبيا لدعم حكومة الوفاق الوطني، برئاسة فائز السراج، المتمركزة في طرابلس..!
يعني الموضوع بجد والمفروض انها هتبقا علي حدود مصر خلال فتره قريبه جدا..
طب مصر هتعمل ايه هتحارب؟!
هتقوم حرب يعني ؟!
الصراحه انا مش عارف ايه الي هيحصل..بس كل الي اقدر اقولهولك ان لو قامت حرب..هتبقا كارثه..
انت يعتبر أقوي دوله عربيه في الوقت ده من حيث الجيش ومن كل حاجه.. وبعيدا عن احوال البلد..بس فعلا مصر بلد قويه وعظيمه من أيام الخليفه عمر بن الخطاب..وهيا درع واقي للأمه الاسلاميه كلها..ولو مش عارف ادخل شوف تاريخ بلدك وانت هتحس بقيمه مصر وتاريخها وعظمتها وتاريخها العظيم في حفظ سلام كل مسلم..
ده غير ان ربنا ذكرها في سوره يوسف..(فَلَمَّا دَخَلُوا عَلَىٰ يُوسُفَ آوَىٰ إِلَيْهِ أَبَوَيْهِ وَقَالَ ادْخُلُوا مِصْرَ إِن شَاءَ اللَّهُ آمِنِينَ) (99)
علشان كده متتفاجئش لما تلاقي حاجات كتير بتحصل من وراك علشان تهدك وتسيطر عليك..بص حواليك كده هتلاقي معظم الدول العربيه فيها مشاكل..عندك فلسطين وسوريا والعراق وليبيا واليمن
علشان كده بقولكم لو قامت حرب هتبقا كارثه..احنا مصدقنا مصر يبقا فيها استقرار وتقف علي رجليها شويه..
ده ثوره 25 يناير دمرتنا خالص..شوف بقا لو حرب الخساير هتبقا عامله ازاي لقدر الله...
اكيد فيه منكم دلوقتي عايز يعرف مين أقوي مصر ولا تركيا..
هقولكم انا ..
التصنيف العالمي للجيش..
مصر 12عالميا
تركيا 9 عالميا
عدد السكان
مصر 100 مليون
تركيا 81 مليون
عدد الجنود
مصر 920 ألف
تركيا 735ألف
ميزانيه الدفاع ..
مصر 4.4 مليار دولار
تركيا 8,600 مليار دولار

والكارثه الاكبر انك هتحارب مسلمين يعني هترفع سلاحك في وش مسلم زيك..زي ما انت شايف في صوره البوست..
وزي ما قال الرسول صلي الله عليه وسلم..ان اصعب الحروب
هي الحروب التي لا يتدخل فيها الله لينصر احد الجانبين
فتظل قائمة الي ان يهلك الطرفين سوا
وهي الحروب ذاتها التي يشنها الاهل لقتل الاهل
قال صل الله عليه وسلم " اذا التقي مسلمان بسيفيهما فقتل احدهما الاخر فالقاتل والمقتول في النار قيل هذا في القاتل فما بال المقتول يا رسول الله قال انه كان حريصاً علي قتل صاحبه..

وفي ناس بتقول ان دي علامه من علامات يوم القيامه..
بس انا كل الي اعرفه...(يَسْأَلُونَكَ عَنِ السَّاعَةِ أَيَّانَ مُرْسَاهَا ۖ قُلْ إِنَّمَا عِلْمُهَا عِندَ رَبِّي ۖ لَا يُجَلِّيهَا لِوَقْتِهَا إِلَّا هُوَ) 187الأعراف

تركيا بعد انتهاء الدوله العثمانيه ب 3 قرون عايزه ترجع للغزو من تاني..!
ومصر مش هتسكت وحاليا الجيش المصري علي الحدود ومستني يشوف الي هيحصل..

وفي وسط الرعب ده كله طلع برضه تريندات ظريفه..زي الشباب الي بتقول 100 مليون فدائي الا 1 والا 2
وعلي أساس ان مصر دي مش بلدك مثلا ؟!
والبنات الي بتقول ..يارب الجيش التركي يدخل مصر ونخلص من المصريين ونتجوز منهم ومهند وبتاع..وارموا علينا صواريخ زي دي يا تركيا وصور لمشاهير اتراك..
ده علي أساس ان الي واقف علي الحدود علشان يحميكي ده مش اخوكي؟!

نحن لانبدأ الحرب ولكن إذا فرضت علينا جعلناها كصلاة العصر لا سنه فيها ولا وتر..