إزاى تتعلم إنجلش صح زى الاجانب

دى مجموعة نصايح لأفضل طرق لتعلم الانجليزى بسرعه من الصفر للاحتراف زى الاجانب وانت وقاعد ف البيت، وخد الموضوع ع شكل ترفيهي واستمتاع اكتر من انه فرض عليك وحتلاقي نفسك بتتكلم اللغه بطلاقه زى الاجانب، تابع معانا.

1: متحفظش كلمات:

لو عايز تتكلم انجلش زى الاجانب ما تقعدش تحفظ في كلمات انجليزي، ما تضيعش وقتك بحفظ لستة كلمات وفي الاخر مش هيثبت في دماغك منهم الا كلمتين تلاتة
والبديل؟! احفظ عبارات انجليزي
لأن العبارة او الفقرة بتتكون من مجموعة من الكلمات المترابطة مع بعضها بشكل انسيابي , لما تصادفك كلمات جديدة ترجمها واعرف معناها ولما تيجي تراجعها راجع الفقرة كلها اللي وردت فيها الكلمات دي،
الطريقة دي بتخليك تتعلم الانجليزي بشكل اسرع من 4-5 مرات من طريقة دراسة المفردات لوحدها.

2: متذاكرش جرامر:

 ايوة متذاكرش جرامر اركن كتب الجرامر اللي عندك على جمب، الجرامر هيعلمك تفكر كتير في الجملة قبل ما تقولها بس انت عايز تتكلم بسرعة زي الاجانب يبقي سيب الجرامر ع جنب لأن الأجانب ذات نفسهم مش بيستخدموه
فكدا حتضيع وقت ع فاضى.

3: اسمع وجاوب:

ما تسمعش وتكرر اللي سمعته،ازاي ؟
اسمع قصة انجليزية قصيرة وعليها اسئلة بسيطة وسهلة وجاوب على الاسئلة  كرر سماعها لحد ما تقدر تجاوب على كل الاسئلة بتاعتها كل مرة هتسمع فيها السؤال هتلاقي نفسك بتجاوب عليه بتلقائية بدون تفكير، يعني هتكتسب مهارة انك تجاوب على الاسئلة الموجهة ليك بالانجليزي أوتوماتيك، والطريقه دى حتخليك تتعلم انجلش بسهولة.

4:ادرس الاصطلاحات التعبيرية الشائعة باللغة الانجليزية: 

 الاصطلاح التعبيري هو عبارة عن كلمتين او اكتر بيحملوا معنى كلمة وحدة .. ودي مش هتلاقيها في القاموس
مثلا مصطلح : high and dry ،واحد ما بيعرفش مصطلحات هيترجمها لـ : عالي وجاف ، وطبعا غلط
الكلمتين دول مع بعضهم معناهم : سالم غانم
يعني فلان رجع من السفر سالم غانم ! أيوة هو ده المعنى عند الاجانب ودة اللي بنسميه تعبير اصطلاحي .
مثال تاني : كلمة يُنهي معروفة بend أو finish بس مرات الاجانب ما بيعبروش عنها بكلمة end !
بيعبروا عنها بكلمتين : break up يعني : end = break up يبقي عشان تفهمهم لما يتكلموا بسرعة لازم تفهم التعبيرات الاصطلاحية الشائعة بشكل كويس .
طب ازاي اتعلم التعبيرات الاصطلاحية دي ؟ ومنين؟
أ - ملفات كتيرة مخصوص للتعبيرات دي موجودة في الانترنت ممكن تحملها من اي موقع ، أو انك تشتري قاموس للاصطلاحات الامريكية .
ب - اسمع اللغة من اصحابها الاصليين ( افلام , برامج , محادثات مخصوصة لتعليم الانجليزي زي الاجانب .. الخ )

5: التركيز على مهارة الاستماع:

مهارة الاستماع هي اكتر طريقة فعالة للي عايزين يتكلموا انجليزي بطلاقة
وكثير من إخواننا نصحــونا بالإستماع كل ما تكلم حد يقولك اسمع .
انك تقرأ انجليزي من كتاب وتحاول تكتب دي حاجة كويسة  بس عشان تتكلم زي الاجانب لازم تركز اكتر على الاستماع للاجانب !
طب اسمع ايه ؟؟
هقولك على طريقة كويسة :اشتري فيلم اجنبي وركز على مشهد معين لمدة اسبوع حاول تستخرج الكلمة اللي ما بتعرفهاش وتكتبها على جمب الترجمة العربي الموجودة هتساعدك،  عيد المشهد كذا مرة بتركيز  وكل ما تعيد اكتر حاول ما تبصش للترجمة العربي  تعالى بعد كذا ساعة عيد نفس المشهد بالليل قبل ما تنام كرر المشهد في اوقات متفرقة على مدار اليوم  وافضل على الحالة دي لمدة اسبوع
النتيجة : هتلاقي نفسك حافظ المشهد بنفس الطريقة الطبيعية اللي اتقال بيها في الفيلم ! وحافظ الكلمات اللي فيه  وحافظ التعبير الاصطلاحي الموجود .
 لحد ما يخلص الفيلم بالطريقة دي  هتكون حافظ 90% من محادثات الفيلم بشكلها الامريكي الطبيعي وبنفس النغمة الطبيعية اللي بتخرج من الممثلين.
تخيل بعد كذا فيلم ايه النتيجة؟ الانجليزي بتاعك هيكون انجليزي امريكي وكأنك كنت عايش هناك ودى أفضل طريقه تخلى كلامك ونطقك زى الاجانب بالضبط، وبكدا تكون اتعلمت انجلش من الصفر للاحتراف وكأنك عايش معاهم.

وأحب ارشحلك قناة Z American English  ودى افضل قناة لتعليم الانجلش باللهجه الأمريكي من شرح الاستاذ إبراهيم عادل.


أقرأ أيضا عن:

أيهما صحى أكثر المكسرات المحمصة أم المفعلة؟مع وصفة للفطور

حلل نمط زميلك فى العمل دون سؤاله عن INTP INFP | mbti

حلل نمط زميلك فى العمل دون سؤاله عن ISFP ISTP | mbti

تفاصيل الحرب العالمية الثالثة | نهاية العالم ٢٠٢٠ 

الحرب العالمية الثالثة | حرب مصر وتركيا 

حريق بفيلا الفنان إيهاب توفيق تؤدى إلى وفاة والده